GURASOEKIN
BILERA.
- Irakaslea: Arratsaldeon guztioi. Dakizuenez, zuen seme -alabek hezkuntza premia bereziak dituzte. Hori dela eta, Gela Egonkorretan integratzeko erabakia hartu da. Gaurko bileran, gela hauetan burutuko den hezkuntza-prozesuari buruz dauzkazuen jakinminak naiz dudak argitzen saiatuko gara. Egin iezazkidazue nahi dituzuen galderak, onuragarria izango da zuen seme-alaben hezkuntza-prozesua hobeto ulertzeko.
- Gurasoa: Arratsaldeon. Bilerara sartu baino lehen, guraso batzuk elkartu gara eta bai, gela egonkorrak zer diren badakigu. Baina, zehazki, zer da gure seme-alabek bertan egingo edo landuko dutena?
- Irakaslea: Helburu nagusia ahalik eta gutxien mugatzen dituen testuinguru batean integratzea eta bertan hezkuntza prozesua garatzea da. Ikasle hauen berezitasunak zeintzuk diren jakinda (harremanetan, komunikazioan, hizkuntzaren erabilpenean, gainerakoei egoera mentalak egozteko, besteen naiz beren emozioak ezagutu eta identifikatzeko… alterazio sakonak, erakarpen bereziak), gela egonkorrak antolatu dira. Bertan, ondorengo alderdiak, besteak beste, landuko dira:
- · Hitzezko eta ez-hitzezko komunikazioa.
- · Autonomia eta nortasun pertsonala.
- · Gaitasun sozialak eta zaintza pertsonala.
- · Gizarte esparrua (kognitiboa eta emozionala).
- · Laguntza berezia …
- Gurasoa: Ez da kaltegarria izango gure seme-alabentzako aparteko gela batean egotea? Bere adinekoak diren edukiak ikasiko dituzte?
- Irakaslea: Helburua ez da oinarrizko curriculumarekin loturarik ez daukan beste curriculum berezi bat planteatzea, baizik eta bereziak diren hezkuntzaren eta ikaskuntzaren edukinak eta helburuak hezkuntza-sistemak ikasle guztientzat eskaintzen dituen elementuekin integratuz, hezkuntza-helburu bera jarraituz eta ikasle bakoitzaren gaitasunak ahalik eta ongien garatzeko egokitzea baizik. Beraz, egokitzapenak egingo dira oinarrizko curriculumean metodologiari, edukiei, ebaluazioari, baliabideei (materialak zein pertonalak), eta abarrei dagokienez.
- Gurasoa: Premia berezi ezberdinak dituzten umeekin elkar egotea ona da gure seme-alaben garapenerako? Dakizuenez, ikasle bakoitzak bere berezitasunak dauzka, beraz, nahiz eta gela berdinean egon, hezkuntza-erantzuna bakoitzaren beharrei egokituko da.
Hala ere, lehen azaldutako alderdiak
ikasle guztiek landuko dituzte.