Gaur egun, eskola askoren helburu nagusia ikasle guztien ikasketa prozesua aurrera eramaten lagunduko duen eredu integratzailea lortzea izaten da. Ikasle guztien integrazioa lortzeko, eskolak, ikaskuntza munduan eman daitekeen aniztasuna aintzat hartu behar du.
Aniztasun horri erantzuteko ahaleginean, Hezkuntza Premia Bereziak dituzten ikasleen beharrei erantzuteko jarrera irekia eta konprometitua izateko beharra dauka eskolak. Jarraian aurkeztuko zaizuen blogean, hezkuntzan agertzen diren premia batzuen ezaugarriak ikusiko ditugu baita eman behar zaien hezkuntza erantzuna, eskuhartzea edo dauden baliabideak bezalako informazioa ematen saiatuko gara.
Honako blog honekin hezkuntzan ematen diren premien berri izateko beste informazio iturri bat eskaintzea da gure helburua. Hezitzaile moduan gure burua osatzen eta prestatzen jarraitzeko baliabidea dela esan genezake.